ဗုဒ္ဓမြတ်စွာပွင့်ထွန်းတော်မူရာ ဗုဒ္ဓဂယာမြေမြတ်မဟာ၌ မြေလှူဒါန်းပြီး
သာသနာ့မြေအလှူရှင် ဒါယကာ၊ ဒါယိကာမများအဖြစ် ခံယူနိုင်သော အခွင့်အလမ်းကောင်း ပေါ်ထွန်းလာပါပြီ
၂၀၁၂ ခုနှစ်၊ နိုဝင်ဘာလ
(၃၀) ရက်နေ့ အလှူခံပိတ်မည်။ ဒီဇင်ဘာလ (၇) ရက်နေ့ သီတဂူဆရာတော် ဒေါက်တာ အရှင်ဥာဏိဿရ
မထေရ်မြတ်မှ မြေလှူရကျိုး ရေစက်ချ အနုမောဒနာ ဟောကြားမည်။
စေတနာရှင်အပေါင်းတို့-
အိန္ဒိယနိုင်ငံ၊ ကိုးလ်ကတ္တားမြို့၊
ဗောဓိသုခပရဟိတမြန်မာကျောင်းဆရာတော် ဒေါက်တာ နန္ဒောဘာသ ဦးစီးပြီး ဗုဒ္ဓဂယာမြေမြတ်မဟာ၌
စတုရန်းပေ (၃၂၄၀၀) ကျယ်ဝန်းသော မြေကြီးကို သာသနာ့မြေအဖြစ် ၀ယ်ယူနေရာ ယခုအခါ အလှူငွေ
ပြည့်ခါ နီးနေပြီဖြစ်ပါသည်။ ထို့ကြောင်း ကုသိုလ် ပါဝင်လှူဒါန်းလိုသည့် စေတနာရှင်များအနေဖြင့်
သုံးစတုရန်းပေ တစ်ကွက်လျှင် မြန်မာငွေ (၃၀၀၀၀) ကျပ်ဖြင့် ၂၀၁၂ ခုနှစ် နိုဝင်ဘာလ (၃၀)
ရက်နေ့ကို နောက်ဆုံးထား၍ သာသနာ့မြေ ဒါယကာ၊ ဒါယိကာမများအဖြစ် ခံယူလှူဒါန်းနိုင်ပါသည်။
ဆက်လက်ပြီး အဆိုပါ ၀ယ်ယူပြီး မြေကြီး၌ မြေသန့်မင်္ဂလာနှင့် ရေစက်ချမင်္ဂလာ သာဓု အနုမောဒနာ
တရားတော်နာအခမ်းအနားကို ကမ္ဘာ့သာသနာပြု သီတဂူဆရာတော် ဒေါက်တာ အရှင်ဥာဏိဿရ မထေရ်မြတ်မှ ၂၀၁၂
ခုနှစ်၊ ဒီဇင်ဘာလ (၇) ရက်နေ့၊ နေ့လည် (၂) နာရီမှ (၄) နာရီအတွင်း ဟောကြားချီးမြှင့်မည်ဖြစ်ပါသဖြင့်
လှူဒါန်းထားသော ဒါယကာ၊ ဒါယိကာမများ အားလုံး သာဓုခေါ်ဆိုနိုင်ရန် အသိပေး ကြေငြာအပ်ပါသည်။
No comments:
Post a Comment